KUMIS
Diangkat kepala pasar ku kang Bahar, Bah Kodir janten resep miara kumis. Meh ungal poe disisiran, bari teu poho diminyakan. Kungsi eta ge sakali si ambu nyawad, tembalna "kajeun pegat duria, batan kudu ngerok kumis". Lamun geus kitu si ambu teu bisa kumaha, da rumasa najan teu panuju, anger kumis bah kodir gede manfaatna. Pajar teh nambah ponyo pami nuju diango ningur berenuk ambu mun malem juma'ah.
"cendol sagelas euy! Hanaang yeuh" ceuk bah kodir ka tukang cendol basa hiji mangsa satutas nagihan upeti.
"mangga, bah" tukang cendol girap ngasongkeun cendol sagelas gede.
Leguk cendol diuyup saregoteun. Ngahuleng sakeudeung, jung nangtung. Gelas diecagkeun semu digejretkeun kana meja.
"belegug siah. teu sopan ka ngaing. Sing eucreug siah ari dagang. Maenya dagang cendol taya bukuran." bah kodir ngamuk bari ngagebrag meja. Nu jarajan olohok, bari sing balehem nahan piseurieun.
"kin heula, bah. Ulah waka ngambek. Cobi abah ngeunteung heula" tukang cendol ngarempod ngawanikeun maneh nembalan, bari nuduhkeun kana motor nu ngjogrog deukeut gorobag.
Gidig bah kodir neangkeun motor. Ret kana kaca spion, gebeg bah kodir reuwas. Kumis nu kacida dipikanyaahna teh ngadadak leungit. Nu aya kalah tarigu bareureum, bari paranjang siga cacing.
"lain taya bukuran, bah. Ngan bukurna kabeh nyangsang dina kumis" kadenge tukang cendol nyeletuk tukangeun.
Tidak ada komentar:
Posting Komentar