PAHLAWAN SAJATI
dina raraga mi'eling hari pahlawan, pa RT jeung warga sapuk ngayakeun arak-arakan. Leumpang ti tungtung jalan beulah wetan nepi ka lapang bola deukeut kantor kacamatan.
Mang ana asa manggih luang piduiteun. Pikirna pasti dina waktuna, nu arak-arakan harauseun, jadi sigana cocok lamun manehna dagang es cingcau digulaan.
Cunduk waktu mangsana datang. Mang ana ngagidig mawa tangungan, ngarekot igeug-igeugan da puguh beurat bari jalana lesang sesa hujan tadi peuting.
Abong jelema ukur boga rencana, hasilna rusiah nu kawasa. Lebah pudunan sendal ngait kana regang, atuh leumpang jadi oleng, Tangungan mecleng teu katahan, eusina awur-awuran.
Mang ana ngaheruk nempo tangungan, teu karasa cai panon murubul teu bisa ditahan.
SELAMAT HARI PAHLAWAN, harewos mang ana lalaunan
Tidak ada komentar:
Posting Komentar